Baby Care Shop

- పసుపు, నువ్వుల నూనె కలిపి రాస్తే కాళ్ళ పగుళ్ళు తగ్గుతాయి. - మెంతులు, మైదాకు కలిపి రుబ్బి పెట్టుకుంటే త్వరగా నయమవుతుంది. - మర్రిచెట్టు పాలు పట్టి వేసినా చక్కని ఫలితం ఉంటుంది. - త్రిఫలచూర్ణం వాడితే పగుళ్ళు రావు.

నల్ల నువ్వులు తిని వెంటనే నీళ్ళు తాగితే కదులుతున్న దంతాలు గట్టి పడుతాయి. - వేపపుల్లతో పండ్లు తోమినా దంతాలు పటిష్టంగా ఉంటాయి. - జిల్లేడు పాలను నొప్పి ఉన్న పన్నుపై వేస్తే పంటి నొప్పి తగ్గుతుంది.

ఒక గ్రాము సైందవ లవణం, 5 గ్రాముల అల్లం కలిపి ప్రతి రోజు ఉదయం, సాయంత్రం తీసుకుంటే కడుపు ఉబ్బరం తగ్గుతుంది. - అన్నం తిన్న తర్వాత వోమ, ఉప్పు కలిపి తీసుకున్నా ఈ సమస్యను అధిగమించ వచ్చు. తలవెంట్రుకలు ఊడిపోకుండా... -ఉసిరి రసం, గుంట గలగర రసం కొబ్బరినూనెలో కలిపి వేడి చేసి తలకు రాయడం వల్ల వెంట్రుకలు రాలవు. - తల వెంట్రుకలకు కొబ్బరి నూనెలో కలమంద గుజ్జు కలిపి వేడి చేసి రాయాలి. ఇది వెంట్రుకలు రాలడాన్ని అరికడుతుంది. - బాధం, కరక్కాయ నూనె రాసినా కూడా మంచి ఫలితముంటుంది.

ఉసిరికాయ, కరక్కాయ, రసాంజనం మూడింటినీ కలిపి చూర్ణం చేసి తాగితే నెలసరిలో అధికస్రావాలు తగ్గుతాయి. - ఇంటి ముందు అందం కోసం పెంచుకునే ఎర్రమందారం పువ్వులు కూడా ఆరోగ్య ప్రదాయనిగా పనిచేస్తాయి. ఈ పవ్వుల కషాయం తాగినట్లయితే అధిక రక్తస్రావం తగ్గిపోతుంది.

ఎసిడిటీకి దూరంగా ఉండాలనుకుంటే వేపుడు కూరలు, మసాలాలతో చేసిన వంటకాలను మానేయాలి. - పచ్చబొట్టు ఆకు, నాగదమని ఆకు రెండూ కలిపి దంచిన ముద్దను తిన్న తరువాత తీసుకుని గ్లాస్ నీళ్ళు తాగితే ఎంతటి భయంకరమైన ఎసిడిటీ అయినా తగ్గిపోతుంది. - దానిమ్మ రసం తీసుకుంటే ఎసిడిటీ రాదు. ఒకవేళ ఉన్నా తగ్గుతుంది. రోజూ అరటి పండు తిన్నా ఫలితముంటుంది. - అల్లం ముక్క వేసిన పాలను బాగా మరిగించి తాగితే చక్కని ఫలితముంటుంది. - ఈ సమస్యతో బాధపడుతున్న వారు తరచూ మంచి నీళ్ళు తాగుతుండాలి.

అల్లం ముక్కలు, సైందవ లవణం కలిపి భోజనానికి ముందు నమిలి ఆ రసాన్ని మింగితే ఆకలి పుడుతుంది. - మిరియాల చారుతో అన్నం తింటే ఆకలి లేదు అన్న సమస్యే రాదు. - నేపాళ గింజల చూర్ణం, జీలకర్రను చక్కెరతో కలిపి తీసుకుంటే జీర్ణశక్తి పెరిగి ఆకలి పుడుతుంది. - ఉత్తరేణి బియ్యం, మేకపాలలో కలిపి నూరి మాత్రలుగా చేసి పాలతో తీసుకుంటే ఆకలి ఆధిక్యాన్ని తగ్గించవచ్చు.

సైనసైటిస్, మైగ్రేన్... సమస్య ఏదైనా భరించలేని తలనొప్పి. ఏ పనీ చేసుకోలేకపోతారు. తలనొప్పి మాత్రలు వేసినా ఫలితం శూన్యం. నిజానికి ఈ సమస్యలకు హోమియో వైద్యవిధానంలో మాత్రమే శాశ్వత పరిష్కారం లభిస్తుంది. చాలా మందికి ఈ విషయం తెలియక, తెలిసినా నిర్లక్ష్యం చేత తలనొప్పితో బాధపడుతూ కాలం వెళ్లదీస్తుంటారు. కానీ ఒక్కసారి హోమియో చికిత్స తీసుకుంటే ఈ సమస్యల నుంచి వారికి శాశ్వత విముక్తి లభిస్తుందని అంటున్నారు ప్రముఖ హోమియో వైద్యనిపుణులు డాక్టర్ రవికిరణ్. వైరల్, బాక్టీరియా, ఫంగల్ ఇన్‌ఫెక్షన్ కారణంగా సైనస్‌లలో విపరీతమైన నొప్పి పుడితే దాన్ని సైనసైటిస్ అంటారు. ముక్కు, కళ్ల చుట్టూ ఉండే గదులను సైనస్‌లు అంటారు. మనం శ్వాస పీల్చినపుడు గాలి ముక్కు నుంచి సైనస్‌లలోకి వెళుతుంది. పీల్చే గాలిని సమశీతోష్ణస్థితికి తెచ్చే బాధ్యతను ఇవి నిర్వర్తిస్తాయి. ప్రధాన కారణాలు సైనస్ గదులలో మ్యూకస్ పేరుకుపోయినపుడు బాక్టీరియా, ఇతర క్రిములు పెరగడం, శ్వాసకోశ మార్గానికి ఇన్‌ఫెక్షన్ రావటం వల్ల సైనస్‌లకు బాక్టీరియా ఇన్‌ఫెక్షన్ వస్తుంది. ఫలితంగా తీవ్రమైన సైనసైటిస్ సమస్య మొదలవుతుంది. చాలాకాలం పాటు ఈ సమస్యకు పరిష్కారం కాకుండా ఉండిపోతుంది. ...

గ్రీన్‌టీ ఆరోగ్యాన్ని మెరుగుపరచడమే కాకుండా చర్మ సౌందర్యాన్ని, కేశసౌందర్యాన్ని పెంపొందిస్తుంది. యాంటీ అక్సిడెంట్లు, యాంటీ ఏజింగ్, యాంటీ ఇన్‌ఫ్లమేటరీ గుణాలు అధికంగా కలిగి ఉండే గ్రీన్‌టీ సంపూర్ణ ఆరోగ్యాన్ని అందజేస్తుందని అంటున్నారు నిపుణులు. - బరువు తగ్గడానికి గ్రీన్‌టీ బాగా ఉపకరిస్తుంది. సెలబ్రిటీలు, సినిమా స్టార్‌లు రోజూ గ్రీన్‌టీ తీసుకోవడానికి కారణం స్లిమ్‌గా ఉంచుతుందనే. కొవ్వు కరిగేలా చేయడంలో గ్రీన్‌టీ బాగా ఉపయోగపడుతుంది. - శరీరంలో పేరుకుపోయిన టాక్సిన్స్ బయటకు పంపేలా చేయడంలో గ్రీన్ టీ సహాయపడుతుంది. డైయూరిటిక్‌గా పనిచేస్తుంది. - నోటి దుర్వాసనను దూరం చేస్తుంది. గ్రీన్‌టీలో ఉన్న సహజ గుణాలు దంతాలపై మరకలు ఏర్పడటాన్ని నిరోధిస్తాయి. - పని ఒత్తిడి ఎక్కువగా ఉన్నప్పుడు ఒక కప్పు గ్రీన్‌టీ తీసుకుంటే మంచి రిలీఫ్ లభిస్తుంది. ఒత్తిడిని తగ్గించడంలో గ్రీన్ టీ బాగా ఉపయోగపడుతుంది. - ఒక కప్పు వేడిగా ఉన్న గ్రీన్ టీ తీసుకుంటే ఆర్థరైటిస్ నొప్పుల నుంచి ఉపశమనం లభిస్తుంది. రోజూ రెండు పూటల తీసుకుంటే మంచి ఫలితం లభిస్తుంది. - గ్రీన్‌టీలో కెట్‌చిన్స్ అనే యాంటీఆక్సిడెంట్లు ఉంటాయి. ఇవి ఫ్రీరాడికల్స్ వల్ల జరిగే నష్...